Kaguthunna Ruthuvu

కథ వింటావా ఈ కాలంలోనూ

కథ వినే మనసుందా నీకు!

హా వింటాను నువ్వెప్పుడూ చెప్పే

ఆ కథే మరల మరలా!

ఇలా అని నన్ను వెక్కిరిస్తున్నావా

నాకు తెలిసింది అదే కదా!

అందుకే ఆ కథ కాని కథే చెప్పు

ఇలా నా కనులు మూతపడక మునుపే!

నిజమే విను మరి

నీకు తెలిసిన ఆ చిత్రమే కదా అలా!

ఈ వెన్నెల దీపం కింద ఈ వెదురు పొదలో

పదే పదే ఒక పదాల గూడు కట్టుకొని!

ఇన్ని కలల తునకలను ఏరుకుంటూ

నీ కనురెప్పలపై వాలిపోతున్న తూనీగలా!

ఈ కథ నీకూ నాకూ సుపరిచితమే కదా

తెలవారి ఈ గాయాలను స్పృశిస్తూ

పొద్దు పొడవనీ!!

Be the first to start a discussion Start a new discussion

Browse all Discussions on Books