Dharma Dandamu Padya Kavyamu

Description

అభినందన

ధర్మదండంబునందు పద్యంబులెల్లఁ
బంచకల్యాణి గుర్రాలు పగిదిఁదనరె
నాశు వేగోక్తి కాశ్చర్యమందినాను
విష్ణునందన! శుభమస్తు! వృద్ధిరస్తు!

భావమునందు నార్హతయుఁ బల్కులయందున నార్జవమ్ము గా
ధా విధమందుఁ గ్లుప్తతయుఁ దర్క సహిష్ణుత వాక్యవైఖరీ
ధీవిభవంబులందుఁ బ్రణుతిక్షమ సత్కవితాగుణంబు స
ర్వావయవంబులందు - నిటులైదువ నీ కృతి విష్ణునందనా!

చదివిన వచ్చునే కవనచారిమ ? యయ్యది పూర్వపుణ్యసం
పదఁబడి రావలెన్ లలిత భారతి సత్కృపమైన రావలెన్
పదనుగ నేలఁజీల్చుకొని వచ్చెడి సారణివోలె రావలెన్
ముదముగ విష్ణునందన ! యమోఘము నీ కవనంబు నీ గతిన్

నీకున్ నీ కవితా కలాపమునకున్ నీ శక్తికిన్ నీ పరీ
పాకోన్ముద్రిత భావనా సరళికిన్ వైద్యంపు సద్వృత్తికిన్
నీ కామ్యంబుల కిష్టగమ్యములకున్ దీర్ఘాయురారోగ్య సు
శ్రీ కల్యాణ యశఃప్రకాస్తి వినుతుల్ సేకూరుతన్ మీరుతన్........................