NAVOPH0658

అక్షరాలు

అక్షరాలూ ఆకాశంలో ఆచంద్రార్కం

మెరిసే నక్షత్రాలు

సిగ్గులేని చీకటి నిజాల గుండెల్లో

పదునుగా దిగే పలుగులు

వేల సంవత్సరాల ప్రయాణంలో తెగిపడిన ఎన్నో

నెత్తుటి మరకలకు ప్రత్యేక్ష సాక్షులు

ఏ లజ్జాలేని నిర్లజ్జ సైతాన్లు పేర్చిన చితులలో

ఎగిసిపడే నిప్పురవ్వలు

అహంకారం మీద

పిడికిలి బిగించిన పిడుగుపాటల సింహనాదాలు,

సత్యాల ముందు నిలబడలేని సారీసృపాలు

ఏ దిక్కూ పాలుపోక ఉమ్మేసే విషతుంపరలు

ఎగసిపడే సముద్రం ముందు కాకిరెట్టలు

అక్షరాలూ గాలివాటుకు తిరిగే మేఘాలు కాదు

కఫన్ కప్పుకుని నిశ్చలంగా పడుకునే శవాలు

అసలేకాదు

అందుకే...

అక్షరాలూ ఆకాశం నుంచి నిస్సహాయంగా

రాలిపడే ఉల్కలు కాదు

ఈ ప్రపంచాన్ని వెలిగించే జీవ రేఖలు!

Be the first to start a discussion Start a new discussion

Browse all Discussions on Books

Ainaa. . Ontarigane. . !