O Atyavasara rahasyamaya Prana Vidya

Description

ఈ శరీరము పనిచేయాలంటే శ్వాస చాలా అవసరం. శ్వాస ఆగిపోతే ఈ శరీరాన్ని శవం అంటారు. శ్వాస - శరీరం ఈ రెండింటిని ఎలా వినియోగించుకోవాలో ముందు మనము తెలుసుకోవాలి! ఆధ్యాత్మికత యొక్క పరమ మూలభూతమైనటువంటి అత్యంత కీలకమైన రహస్యమది. 'రహస్యము' అంటే ఎదురుగుండా కళ్ళముందు కనిపిస్తున్న దానిని కూడా కనిపెట్టలేకపోవడం. 'ఇది అదే' అని తోచకపోవడం. ఇక కీలకం అంటే తాళంచెవి.

ఈ శరీరంలో ఎన్నో ఆశ్చర్యకరమైన, నమ్మశక్యంకాని శక్తులు, గుప్త సంపదలు 5 భాగాలుగా విభజింపబడి నిక్షిప్తం చేయబడ్డాయి. మామూలు భాషలో వాటిని కోశాగారాలు అంటారు. ఇలాంటి 5 కోశాలు మన శరీరంలో మన కోసం కేవలం మనకోసమే దాచిపెట్టబడి ఉన్నాయి. శ్వాస అనే తాళంచెవితో ఆ శక్తి భాండాగారపు ద్వారాలు తీసి అక్కడున్న అనంత ఐశ్వర్యాన్ని, అద్భుతశక్తుల్ని మనం సొంతం చేసుకొని వాటిని సంపూర్ణముగా వినియోగించుకోవచ్చు.