Ghantasala Navaratna Gaanamaalika

Description

'ఘంటసాల నవరత్న గానమాలిక' నామకరణము చాలా దివ్యముగానున్నది. ఘంటసాల వారి సంగీత సముద్రములో, మునిగి తేలుతూ, జీవితమును సాగించుకున్న శ్రీయుతులు బి. ఎ. నారాయణగారు అట్టడుగు వరకు శోధించి, సాధించిన ఈ నవరత్నములు అపూర్వము, అనన్యము, అద్భుతము. నవరత్నములకు రూప గుణములు, ఫలితములు తెలుసుకొని, ధరించి, మేలు పొందునట్లు గాక ఈ నవరత్నములకు రుచులు కూడా కలవు. ఆస్వాదించి, ఫలితములు పొందవచ్చు. నవరసభరితమగు ఈ ఆలోచన ఘంటసాల గురువుగారే బి. ఎ. నారాయణగారికి కలిగించారనుటలో సందేహము లేదు. త్యాగరాజ స్వామీ పంచరత్నముల వలె, శాశ్వతమై, ప్రయోజనాత్మకమై సంగీత ప్రపంచమందు సుస్థిర స్థానములను సాధించి, బహుశ్రమతో సలిపిన సాధన సఫలమగుగాక.