Ode to Love Anu Prema Geetam

Description

Ode to Love

ప్రేమించే మనుషులున్నంత కాలం

ఈ ప్రపంచం యిలాగే పచ్చపచ్చగా

ఆనందంగా హాయిగా వుంటుంది.

ప్రేమించే మనుషులే యుద్ధాలు చేస్తారు,

వ్యవసాయం చేస్తారు

యంత్రాలు నడుపుతారు.

వేయికళ్లతో ప్రపంచాన్ని కనిపెట్టుకుని వుంటారు

ప్రేమే ప్రాణభూతం, ప్రాణవాయువు-

రాత్రుళ్లను పవలుగా మార్చేది ప్రేమ -

పలుకింత వెలుతురునిచ్చేది ప్రేమే -

ప్రేమతో నమ్మకంతో బతకటం ఒక కళ.

విత్తులు చల్లి నారుమళ్లను పెంచటం ప్రేమ-

నారు పీకి చేలో నాటి- రేపటి వరిపైరును కలగనటం ప్రేమ-

సర్వహింసల వెనకాల అప్రేమే- అపనమ్మకమే -

ఈ భూగోళం మొత్తం ప్రేమ అనే యిరుసు మీద తిరుగుతోంది........