Nenu Ikkadi Bhoomini

అరికాళ్ళ మాటలు

అప్పుడప్పుడూ ఇలా మనుషులంతా

గడ్డకట్టుకు పోతుంటారు

నెత్తురోడుతున్న పాదాలు

బాటంతా పూచిన మోదుగుపూలు

శరీరాలన్నీ ఎర్రెర్రని సూర్యుళ్ళను

తొడుక్కున్నాయి

పచ్చడి మెతుకులు కూడా కోల్పోతున్న

నేలతల్లి బిడ్డలందరూ ఆరుద్రలై

ఎర్రజెండాల రెపరెపల్తో

ఇవాళో రేపో అన్ని తారీఖులు

నిర్ణయమైన వాళ్ళుకూడా ఆశచావని హృదయంతో

గెలుపు మనదేనన్న ధైర్యంతో

ఒంటి నిండా బట్టల్లేక పోయినా

కాళ్ళన్నీ సిమెంట్ తినేసిన పుండ్లయినా

ఆగని ఆపని మొక్కవోని ధైర్యం వాళ్ళది

రక్తసిక్త పాదం

మనందరి నుదిటిమీద.................

Be the first to start a discussion Start a new discussion

Browse all Discussions on Books